Një aksident i rëndë trafiku ka ndodhur sot rreth orës 15:00 në fshatin Terstenik të Drenasit, ku janë përfshirë një motoçikletë dhe një automjet.
Si pasojë e përplasjes, njëri nga personat që ndodhej në motoçikletë, A.M., ka ndërruar jetë nga plagët e marra. Vdekja e tij është konstatuar nga ekipi mjekësor në QKMF – Drenas.
Policia ka bërë të ditur se ngasësi i automjetit është dërguar në mbajtje, ndërsa hetimet për zbardhjen e plotë të rrethanave të aksidentit janë duke vazhduar.