Kaosi shpërtheu te Interi pas eliminimit të tyre nga Kupa e Botës për Klube. Humbja kundër Fluminense u pasua nga disa deklarata shumë të forta nga Lautaro Martinez, i cili nuk i kurseu fjalët, duke shpjeguar para mikrofonave se ata që nuk duan të qëndrojnë duhet të largohen.lautaroFjalë të ashpra, të ndjekura nga ato të presidentit Xhuzepe Marota, i cili e identifikoi Hakan Çalhanoglu si marrësin e deklaratave të kapitenit. Turku më pas iu përgjigj në Instagram, me Markus Thuram që e pëlqeu postimin e tij.

Sipas “Tuttosport” ndërsa “El Toro” po rikuperohej në kohë rekord dhe luante gjysmë i shtrirë fillimisht kundër Barcelonës dhe më pas kundër PSG-së, ai duhet të ketë vërejtur lojtarë të tjerë që po e menaxhonin veten në një mënyrë më të qetë, me mendimet e tij që shkonin, përveç ish-lojtarit të Milanit, edhe te Markus Turam, Benzhamë Pavar dhe ndoshta, Davide Fratezi. Thashethemet, fotot dhe mesazhet që vijnë nga Turqia në dy javët e fundit e kanë bërë sulmuesin edhe më nervoz.

Megjithatë, komentet e Lautaro Martinez e bezdisën edhe klubin, i cili do të kishte preferuar të tregonte gjërat e pista në dhomën e zhveshjes. Takimi i djeshëm ishte konstruktiv, tani zikaltërit duhet të fillojnë nga e para.