Ministri i Jashtëm i Iranit, Abbas Araghchi, ka deklaruar në një intervistë për median Alaraby Aljadeed se Mojtaba Khamenei është “në gjendje të mirë shëndetësore” dhe “po e kontrollon plotësisht situatën”.

Araghchi gjithashtu tha se Irani mirëpret çdo iniciativë rajonale që mund të çojë në një përfundim të drejtë të luftës. Sipas tij, Ngushtica e Hormuzit është e hapur për të gjithë, përveç anijeve amerikane dhe aleatëve të SHBA-së.

Ai shtoi se deri tani nuk ka ndonjë iniciativë konkrete në tryezë për t’i dhënë fund luftës.

Mojtaba Khamenei nuk është shfaqur publikisht që nga emërimi i tij më 8 mars.

Fjalimi i tij i parë publik u transmetua nga media shtetërore më 12 mars, por u lexua nga një prezantues dhe jo nga ai vetë.