Punëtorët e sektorit privat sot pritet ti gëzojnë mjetet në shumën prej 100 eurove.

Kjo është konfirmuar nga zv. i Ministrisë së Financave, Hysni Mehani për Indeksonline.

“E keni parë postimin e Ministrit, po sot pritet të ekzekutohen mjetet” ka thënë Mehani për Indeksonline.

Por a do të ketë mundësi të aplikojë edhe njëherë në rast të ndonjë gabimi përsëri një person?

Për këtë Mehani ka një përgjigje.

“Po të gjithë ata që kanë bërë ndonjë gabim gjatë aplikimit do të kenë mundësi të aplikojnë përsëri, janë komisionet të cilat i trajtojnë këto raste” thotë Mehani.

Më 22.05.2026, Qeveria e Kosovës miratoi Pakon për përballje me inflacionin 2.0, e cila parasheh mbështetje financiare prej 100 eurosh për disa kategori të qytetarëve.

Pakoja parasheh mbështetje të njëhershme prej 100 eurosh për pensionistët, 100 euro për fëmijët, 100 euro për punonjësit e sektorit jopublik, si dhe 100 euro për studentët aktivë.