Një person është arrestuar në Suharekë, pasi dyshohet se ka shtënë me armë zjarri gjatë një ahengu familjar.

Sipas Policisë së Kosovës, rasti ka ndodhur rreth orës 10:55, ndërsa në vendin e ngjarjes, te i dyshuari është gjetur dhe konfiskuar një pistoletë, e cila dyshohet se është përdorur gjatë të shtënave.

“Është arrestuar i dyshuari kosovar nën dyshimin se në një aheng familjar ka shtënë me armë zjarri. Në vendin e ngjarjes te i dyshuari është gjetur dhe konfiskuar pistoletën e cila dyshohet se ishte përdorur, ndërsa i dyshuari kishte leje për posedim arme. Me vendim të prokurorit, i dyshuari është dërguar në mbajtje.”, thuhet në raportin e policisë.