Bayern Munich është gjithnjë e më i bindur se do të arrijë ta mbajë Harry Kanen përtej kontratës aktuale, raporton Sky Sport Deutschland.

Bisedimet për një kontratë të re po ecin shumë mirë, ndërsa drejtori sportiv i klubit bavarez, Max Eberl, ka konfirmuar se të dyja palët mbeten optimiste për arritjen e marrëveshjes.

Megjithatë, ende nuk ka një marrëveshje përfundimtare, pasi sulmuesi anglez nuk e ka dhënë miratimin e tij të fundit.

Bayerni dëshiron ta sigurojë të ardhmen e kapitenit të Anglisë, i cili është shndërruar në një nga figurat kryesore të skuadrës që prej transferimit nga Tottenham Hotspur.

Tashmë mbetet të shihet nëse bisedimet do të përmbyllen me sukses dhe Kane do të vazhdojë aventurën e tij në Mynih përtej afatit aktual të kontratës.