Zv/kryeministri, Haki Abazi, ka thënë se ‘rrëzimi i qeverisë Kurti dhe mosrespektimi i Vjosa Osmanit si më e votuara në LDK në zgjedhjet e fundit, është përmbysje e rendit demokratik dhe shkelje e kushtetutës së Republikës Parlamentare’.

Përmes një shkrimi në Facebook, përsërit se veprimet e presidentit Thaçi janë antikushtetuese dhe jashtë interesit qytetarë e shtetëror.

“Presidenti nuk mund të veprojë si mbret, ai edhe ashtu ka mungesë serioze të përfaqësimit të unitetit. Veprimet e tij janë antikushtetuese dhe jashtë interesit qytetarë e shtetëror. Nuk mundet Thaçi të negociojë lirinë e tij me fatin e shtetit”, thekson ai.

“Jemi shumë, jemi bashkë, jemi në të drejtë dhe jemi të pathyeshëm në mbrojtjen e demokracisë, pavarësisë, territorit dhe kushtetutës së vendit”, ka shkruar në fund. 

Njoftimi i plotë:

Rrëzimi i qeverisë Kurti dhe mosrespektimi i Vjosa Osmanit si më e votuara në LDK në zgjedhjet e fundit, është përmbysje e rendit demokratik dhe shkelje e kushtetutës së Republikës Parlamentare.

Presidenti nuk mund të veprojë si mbret, ai edhe ashtu ka mungesë serioze të përfaqësimit të unitetit. Veprimet e tij janë antikushtetutese dhe jashtë interesit qytetarë e shtetëror.

Nuk mundet Thaçi të negociojë lirinë e tij me fatin e shtetit!

Jemi shumë,jemi bashkë, jemi në të drejtë dhe jemi të pathyeshëm në mbrojtjen e demokracisë, pavarësisë, territorit dhe kushtetutës së vendit.