Në mesin e shumë reagimeve të politikanëve kosovarë për aksidentin tragjik me 46 viktima në Bullgari, është edhe ai i kryetarit të Lidhjes Demokratike të Kosovës, Lumir Abdixhiku.

Përmes një postimi në rrjetin social Facebook, Abdixhiku njoftoi se në emër të LDK-së, I ka shprehur ngushëllime kryeministrit të Maqedonisë, Zoran Zaev

Postimi i plotë:

Një mëngjes i trishtë e me dhimbje plot.

Lajmi për humbjen tragjike të 46 jetëve në aksidentin fatal në Bullgari, na lë pa fjalë e me dhimbje shumë secilin prej nesh.

Në këto momente të vështira, u shpreh ngushëllimet më të sinqerta familjeve dhe të afërmve të viktimave. Shpirti i tyre pushoftë në paqe. Lutemi që të lënduarit të shërohen sa më parë.

Në emër të LDK-së, sot në mëngjes i kam shprehur ngushëllime dhe Kryeministrit të Maqedonisë së Veriut, Zoran Zaev.