Aborti legalizohet në gjithë Australinë

Prishtinë | 26 Sht 2019 | 09:37 | Nga Ekonomia Online

Aborti është legalizuar në gjithë Australinë, pasi shteti i fundit në të cilin ky proces konsiderohej i paligjshëm, Uellsi i Ri Jugor, ka votuar për ndryshim të ligjit.

Projektligji, që është miratuar të enjten, përmbys ligjin 119-vjeçar, i cili është kritikuar dhe është cilësuar arkaik.

Projektligji i ri ka nxitur debate të zjarrta për javë të tëra dhe ka krijuar ndasi të thella në qeverinë konservatore.

Më parë abortet në Uellsin e Ri Jugor janë realizuar vetëm nëse doktori ka vërtetuar se ekziston “rrezik serioz” për jetën e gruas.

Ligji i ri tani lejon ndërprimin e shtatzënisë deri në javën e 22-të apo edhe më vonë, nëse pajtohen dy mjekë.

Kjo reformë është kundërshtuar ashpër nga disa aktivistë dhe ligjvënës që kanë refuzuar miratimin e këtij ligji për shkaqe personale, por edhe për shkak të shqetësimeve rreth aborteve në periudhë afatgjatë.

Fjalë Kryesore:

Të ngjashme