Mbrëmë rreth orës 23:00 ka ndodhur një aksident trafiku përballë varrezave në fshatin Uglar të Gjilanit, ku ka humbur jetën një 19 vjeçar nga Pograxha.

Lajmin e ka konfirmuar zëdhënësi i Policisë për rajonin e Gjilanit, Ismet Hashani, i cili ka thënë se mospërshtatja e shpejtësisë ka qenë shkaktari i aksidentit.

“Mbrëmë rreth orës 23:00 ka ndodhur një aksident trafiku përballë varrezave në fshatin Uglar të Gjilanit ku ka humbur jetën një qytetar nga Pograxha. Si pasojë e këtij aksidenti, kanë mbetur të lënduar edhe tre persona. Dyshohet se shkaqet kanë qenë mospërshtatja e shpejtësisë”.