Zgjedhjet dhe demokracia përfaqësuese parlamentare nuk janë të preferuarat e partisë në pushtet, Lëvizja Vetëvendosje!

Lideri i tyre, Albin Kurti, natyrisht që do kishte parapëlqyer të vinte në pushtet jo përmes zgjedhjeve. Ai as nuk do të largohej ndonjëherë përmes zgjedhjeve demokratike.

Ai nuk është kurrë i gatshëm të dorëzojë pushtet, ashtu siç nuk la gjë prej gjëje pa bërë për të ardhur në pushtet.

Ai po shtyen përpara politikën plebishitare, pa kontrolle dhe balance në Kosovë. Kjo do të sjellë destabilizim dhe ndasi tjera me pasoja afatgjate për Kosovën në nivel vendor dhe ndërkombëtar.

Albin Kurti nuk ka ndryshuar as kurs, as objektiva, as tabijat.

Si një populist i papërmirësueshëm, ai është në konsistencën e tij anti-establishment.

Prandaj vazhdon përdhosja e shtetit, flamurit, gjykatës kushtetuese, drejtësisë, UÇK-së, shtetndërtuesve, bashkësisë ndërkombëtare dhe partnerëve strategjikë.