Ezgjan Alioski do të largohet nga Leeds Unitedi në fund të këtij sezoni. Mediat angleze kanë raportuar të martën se sulmuesi i krahut ka vendosur të mos e vazhdojë kontratën me klubin anglez.

29-vjeçari do të largohet si futbollist i lirë dhe thuhet se ai tashmë ka arritur marrëveshje personale me klubin e madh nga Turqia, Galatasaray.

Alioski këtë sezon në të gjitha garat ka shënuar tre gola për ekipin anglez. Futbollisti shqiptar është pjesë e Leedsit që nga viti 2017, kur u transferua nga Lugano.