Temperaturat e ulëta, nuk e kanë ndaluar ambasadorin amerikan në Rusi, Jon Huntsman, që të merrte pjesë në ritualin e futjes në ujë të ftohtë, ritual i Epifanisë ortodokse, transmeton Klan Kosova.

Ai ka thënë se për një gjë të tillë ishte frymëzuar nga videot e publikuara në YouTube sidomos nga presidenti i Rusisë, Vladimir Putin, duke shtuar se me këtë shpreson që të ketë një mirëkuptim më të madh me popullin rus, përmes pjesëmarrjes në një ritual të tillë.

“Definitivisht një përvojë e paharrueshme”, u ka thënë Huntsman reporterëve që po ndiqnin ngjarjen.