Ambasadori i Shteteve të Bashkuara të Kosovës, Jeffrey Hovenier, ka marrë pjesë në aktivitetin “Nga eksodi në liri”, i cili u mbajt në kufirin e Maqedonisë së Veriut dhe Kosovës, për nder të Ditës së Çlirimit.

Në këtë organizim kanë marrë pjesë edhe krerët e shtetit të Kosovës, përfshirë këtu presidenten Vjosa Osmani, kryetarin e Kuvendit, Glauk Konjufca, kryeministri Albin Kurti dhe zyrtarë tjerë shtetërorë.

Ambasadori Hovenier në një postim në rrjetin social Twitter, ka thënë se ndihet i nderuar të festojë këtë ditë përkrah zyrtarëve të Kosovës dhe anëtarëve të komunitetit diplomatik.

“23 vjet më parë këtu, shumë kosovarë u kthyen në shtëpi. NATO solli stabilitet dhe prosperitet për Kosovën dhe rajonin”, ka shkruar ambasadori.

Postimi i plotë:

I nderuar për të festuar sot Ditën e Paqes në kufirin e Maqedonisë së Veriut/Kosovës, përkrah zyrtarëve të Kosovës dhe anëtarëve të komunitetit diplomatik. 23 vjet më parë këtu, shumë kosovarë u kthyen në shtëpi. NATO solli stabilitet dhe prosperitet për Kosovën dhe rajonin.

Honored to celebrate Peace Day today at the North Macedonia/Kosovo border, alongside Kosovo officials & diplomatic community members. 23 years ago here, many Kosovans returned home. #NATO brought stability & prosperity for #Kosovo and the region. @NATO_KFOR pic.twitter.com/cXLfSu0wgX

— Ambassador Jeff Hovenier (@USAmbKosovo) June 12, 2022