Ambasadori rus në Serbi, Alexander Botsan Kharchenko, deklaroi se Rusia është e përkushtuar për të ruajtur paqen dhe sigurinë ndërkombëtare dhe respektimin e parimeve themelore të Kartës së Kombeve të Bashkuara, në mënyrë që sipas tij një tragjedi e ngjashme me Luftën e Dytë Botërore të mos ndodhë më.

Në një tekst autorial në “Veçernje Novosti” dhe me rastin e 80 vjetorit të sulmit të Gjermanisë naziste në ish-bashkimin sovjetik theksoi se Rusia do të vazhdojë të promovojë vlerësime të paanshme të Luftës së Dytë Botërore, transmeton Klankosova.tv

“Ne jemi thellësisht mirënjohës të udhëheqjes serbe dhe popullit serb për qëndrimin e tyre në ruajtjen e së vërtetës historike dhe kujtesën e vëllazërisë tonë në armë në Luftën e Dytë Botërore, për kujdesin e tyre të vazhdueshëm për përmendoret ushtarake dhe varrezat, dhe për të kuptuar rëndësinë e lartë të punës arkivore dhe kërkimore, duke përfshirë atë në terren’, shkroi ambasadori rus.