Angelina Jolie mendon se është detyrë e secilit t’i ndihmojë refugjatët.

Ajo nuk është vetëm yll filmi, por edhe e derguar e posaçme tek Komisioneri i Lartë i OKB-së për Refugjatët, shkruan DailyMail, transmeton lajmi.net.

Angelina Jolie ka folur për revistën “Time” lidhur me kauzën e saj, pak ditë para Ditës Botërore të Refugjatëve.

Duke shkruar një vijë mes refugjatëve dhe emigrantëvem ajo shkruante “Secili meriton dinjitet dhe trajtim të drejtë, por ne duhet të jemi të qartë për dallimin. Sipas ligjit ndërkombëtar, nuk është një opsion për të ndihmuar refugjatët, është detyrim”.

Ajo shtoi “Sot dallimi midis refugjatëve dhe emigrantëve është i paqartë dhe i politizuar. Refugjatët janë detyruar të largohen nga vendi i tyre për shkak të persekutimit, luftës apo dhunës. Migrantët kanë zgjedhur të lëvizin, kryesisht për të përmirësuar jetën e tyre. Disa liderë përdorin me vendosmëri kushtet dhe refugjatët e emigrantët në mënyrë të ndërsjellë, duke përdorur retorikën armiqësore që fshikullojnë frikën ndaj të gjithë të huajve”.

Sipas Angelinës “Është krejtësisht e mundur të sigurohet një kontroll i fortë i kufirit si dhe politika të drejta dhe humane të imigracionit, duke përmbushur përgjegjësinë tonë për të ndihmuar refugjatët”.

Aktorja thotë se Amerika është vendi që ndihmon më së shumti në botë.

Angelina sqaroi “Më shumë se 40 milionë evropianë u zhvendosën për shkak të luftës. Agjencia për Refugjatë U.N u krijua për ta. Ne e harrojmë këtë”.

Angelina Jolie u bë e Dërguara Speciale në vitin 2012, kur Komisioneri i Lartë për Refugjatët ishte Antonio Guterres, i cili tani është Sekretari i Përgjithshëm i OKB-së.