Drejtoria rajonale e Ferizajt ka bërë të ditur se ka arritur të arrestojë gjashtë të dyshuar lidhur me disa raste të vjedhjeve që kanë ndodhur në punishtet e kompanisë “Bechtel-Enka” muajve të fundit.

Sipas njoftimit të policisë, të dyshuarit e arrestuar janë: K.T 35 vjeç ,N.K.30 vjeç,D.K.23 vjeç,M.K. 38 vjeç,E.R. 20 vjeç dhe H.L. 40 vjeç.

“Sot hetuesit policorë kanë bërë kontrollimin e gjashtë lokacioneve të ndryshme në komunën e Hanit të Elezit ,ku janë gjetur dhe konfiskuar si prova materiale:

-400 litra derivate

-një bure e metaltë

-35 bidonë plastike për derivate

-pompa dhe gypa plastikë për nxjerrjen e derivateve nga rezervuari

-si dhe një shumë të konsiderueshme të parave të gatshme.

Me urdhër të Prokurorit të Shtetit, të gjithë të dyshuarit dërgohen në mbajtje për 48 orë”, thuhet në komunikatën e policisë.