Policia e Kosovës ka arrestuar kandidatin për deputet nga radhët e Partisë Demokratike të Kosovës, Qëndrim Kryeziu.

Kryeziu është shoqëruar nga zyrtarët policorë pasi i njëjti nuk i ka përfillur urdhrat e Policisë së Kosovës, gjatë një aksioni për rrënimin e një pompe të derivateve në Zonën Industriale në Prishtinë, përballë objektit të Agjencisë së Kosovës për Inteligjencë.

“Asnjë fjalë nuk po e du! A po ma liron vendin me dëshirën tënde, apo po i marrim ne veprimet tona? Arrestone! Qitjani prangat!”, dëgjohet duke iu drejtuar një zyrtare policore Kyreziut, pak para se ajo të jepte urdhrin për arrestimin e tij.

Sipas Kryeziut, rrënimi i këtij objekti po bëhet po një urdhër të gjykatës.

“Zoj, çka jam tuj të bo, për me ardh në stacion. Unë vij vet, cilin stacion don unë vij vet, veç tregom pash zotën çka po të boj, a po më tregon çka po të boj”, dëgjohet të thotë Kryeziu në një video që është publikuar në media gjatë arrestimit.