Është arrestuar një 51-vjeçar i cili ishte i dënuar me dy vjet burgim dhe tre mijë euro dënime me gjobë meqë ishte ngarkuar me veprën penale “Blerje, posedim dhe shitje e paautorizuar e narkotikëve”.

“Drejtoria e Policisë së Kryeqytetit po vazhdon ndërmarrjen e veprimeve policore me qëllim kapjen e personave të dyshuar dhe atyre të dënuar si autor të veprave penale. Në kontekstin e kësaj, nga veprimet e marra nga njësitë e stacionit policor Veriu në Prishtinë, është arritur arrestimi i personit të kërkuar: – S.B. mashkull, 51 vjeç, shtetas i Republikës së Kosovës, i dënuar me 2 vite burgim dhe 3 mijë euro dënim me gjobë për veprën penale “Blerje, posedim dhe shitje e paautorizuar e narkotikëve”. I njëjti pas arrestimit nga ana e policisë është dërguar në vuajtje të dënimit”, njofton Policia.