Irani njoftoi të martën se 122 pacientë kanë humbur jetën nga Coronavirusi në 24 orët e fundit.

Shifra e çon në 1,934 numrin total të viktimave në këtë vend.

Zëdhënësi i Ministrisë së Shëndetësisë, Kianush Jahanpur, tha në televizionin shtetëror se numri i të infekturave me Coronavirus ka arritur në 24,811, pas diagnostikimit të 1,762 rasteve të reja në 24 orët e fundit.

Irani është vendi i goditur më së keqi nga Coronavirusi në Lindjen e Mesme.

Të hënën, autoritetet iraniane e kanë refuzuar ndihmën e Shteteve të Bashkuara për luftimin e sëmundjes.