Kryetari i Asociacionit të Komunave të Kosovës, Sazan Ibrahimi, ka reaguar ndaj Qeverisë Kurti, meqë kjo e fundit themeloi sot Komitetin për Koordinim dhe Vlerësim të situatës me pandeminë e koronavirusit.

Ibrahimi për Klankosova.tv, u shpreh se me qëllim apo pa qëllim, duket se Qeveria harroi këtë asociacion, përfaqësues të të cilëve nuk bëjnë pjesë fare në këtë komitet, njofton Klankosova.tv.

”Si mundet një grup të quhet koordinues kur përfaqësuesit e komunave nuk janë aty. Nuk e di se si mund të harrohen (me qëllim apo pa qëllim) institucionet ku zbatohen masat. Masat anticovid nuk zbatohen nëpër zyrat e qeverisë por nëpër komuna sepse aty zhvillohet jeta e qytetarit e jo nëpër zyrat e qeverisë dhe pa bashkëpunim me komunat nuk e di se si mund të ketë sukses zbatimi i masave”.