Aktivistja për të drejtat e grave, Zana Avdiu, në emisionin Pressing të T7, ka zbuluar detaje nga rasti për të cilin u raportua për abuzim seksual nga një të miture në shkollën Faik Konica.

Avdiu ka thënë se sipas Këshillit të Prindërve vajza nuk ishte ende pjesë e shkollës, njëri nga fëmijët është edhe vëllai i saj, shkruan Express.

“Prindërit dhe Këshilli i Prindërve të asaj shkolle thonë se vajza ende nuk është në shkollë, por sic duket, ajo është me vëllain e saj, pra ai që e mban. Pra, vëllai i saj ka qenë në atë shkollë në klasën e parë apo të dytën”, është shprehur Avdiu.

Tutje, Avdiu tha se për dy fëmijët e tjerë njëri është në klasën e shtatë ndërsa tjetri në klasën e gjashtë.

“Ndërsa këta të dy, njëri është në klasën e gjashtë e tjetri në klasën e shtatë. Që i bie të jenë që dytë rreth moshës 13 dhe 14-vjeçare”, shtoi Avdiu.