Kryetari i Mitrovicës Agim Bahtiri ka uruar të gjithë qytetarët e Kosovës të besimit islam me rastin e festës së Fiter Bajramit.

Në mesazhin e tij dedikues, Bahtiri ka përgëzuar ata të cilët bën sakrificën për përmbushjen e obligimeve kuranore për të treguar adhurimin, devotshmërinë dhe dashurinë ndaj Zotit, njofton Klan Kosova.

”Me rastin e festës së Fitër Bajramit, si kryetar i Komunës, në emrin tim personal dhe në emër të bashkëpunëtorëve të mi, të gjithë qytetarët e besimit islam të Komunës dhe drejtuesit e Bashkësisë Islame të Mitrovicës, ju përgëzoj për sakrificën që keni bërë për përmbushjen e obligimeve kuranore, për përkushtimin për të treguar adhurimin, devotshmërinë dhe dashurinë tuaj ndaj Zotit të plotfuqishëm.

Besoj se ju besimtarë të fesë islame, këtë festë të madhe po e kremtoni në kushte dhe rrethana shumë më të mira se deri tash dhe në një qytet që ka ndryshuar pamjen tërësisht për të mirë.

Jam i bindur se të udhëhequr nga parimet e mira e të drejta të fesë islame, ju edhe në të ardhmen do të jepni kontributin tuaj të pa zëvendësueshëm për paqe e tolerancë midis qytetarëve të përkatësive të ndryshme fetare dhe etnike, si dhe për të krijuar klimë mirëbesimi, për të ndërtuar një ardhmëri më të mirë për fëmijët tanë këtu në Mitrovicë, për çka edhe ne si drejtues të Komunës po punojmë me përkushtim dhe angazhim maksimal.

Në fund, edhe njëherë uroj që festën ta kremtoni të gëzuar e të lumtur, duke e lutur Zotin e Madhërishëm që begatia dhe harmonia të mbretërojnë gjithmonë në familjet tuaja”.