Nënkryetarja e LDK-së, Hykmete Bajrami, ka folur për disa mesazhe të dalura së fundi, ku është e përfshirë edhe Dejona Mihali, Faruk Mujka dhe ministrja Artane Rizvanolli.

Bajrami ka thënë se Mihali merr vendime për gjithçka në Kosoë dhe se këtë e bën në mënyrë ilegale.

Sipas saj, Prokuroria Speciale duhet të vihet në lëvizje dhe të marrin masa.

 “Kjo grua duke pasur vetëm post politik brenda VV dhe duke mos kërkuar asnjëherë votë prej qytetarëve, vendos për çdo gjë, që është komplet ilegale, në kundërshtim me kushtetutën dhe çdo gjë. Prokuroria Speciale edhe në rastin e Nagip Krasniqit ku kjo ka qenë e përfshirë, por edhe në këtë rast, të marrë masa dhe të zbardhet se kush cka bën në Kosovë dhe në bazë të kujt. Mesa unë kam informacion, zyrtarët e partive politike s’kanë asnjë rol as në ekzekutiv e as në legjislativ”, ka deklaruar Bajrami në T7.