Të shtunën skuadrat si Ferizaj, Drita, Dukagjini e Trepça’89 i bënë testet për koronavirus ashtu siç kishte marrë vendim Federata e Futbollit e Kosovës në bashkëpunim me Ministrinë e Shëndetësisë që të testohen të gjithë lojtarët dhe stafi i klubeve para nisjes së kampionati.

Fatmirësisht nga këto klube nuk ka rezultuar askush pozitivë, derisa në ditët në vazhdim pritet që këtij testimi ti nënshtrohen edhe skuadrat tjera elitare.

Trajneri i Ballkanit, Ismet Munishi për Zeri.info ka thënë se pret në dy ditët e ardhshme ta bëjnë testin.

”Po besoj që të hënën ose të martën edhe ne do t’i nënshtrohemi testimit për Covid-19”, ka thënë Munishi i cili bashkë më skuadrën ishin shumë këmbëngulës që të testohen gjithë futbollistët para se në nisin garat dhe falë kësaj këmbëngulësie kjo gjë po realizohet, e e cila sado pak e bën me të lehtë nisjen e garave që pritet të rifillojnë me 7 qershor.

Lideri i tabelës tash e një kohë i ka karantinuar lojtarët për të qenë më të sigurt, pro për shkak të festës së Bajramit, klubi i ka lejuar lojtarët për dy ditë të qëndrojnë me familjet e tyre.

“Jemi me familje të gjithë. Të shtunën dhe të dielën i kemi pasur pushim për festë, dhe të hënën fillojmë prapë me punë”, ka përfunduar tekniku Ismet Munishi.

Ballkani njihet për organizimin e mirë që ka, derisa tashmë kjo skuadër për ehur të tretë ka bërë dezinfektimin edhe të objekteve përcjellëse të stadiumit dhe duket se është gati për sfidën e parë që e luan me 3 qershor në kuadër të Kupës së Kosovës ku ndeshet me Feronikelin.