Barcelona ka shprehur interesim për lojtarin e Sevillas që vlerësohet shumë. Bëhet fjalë për qendërmbrojtësin Jules Kounde, që shihet si opsion për kohë të gjatë në mbrojtjen e ekipit nga Katalunja.

Nënkampionia e La Ligës edicionin e shkuar synon përforcime para sezonit të ri në fazën e mbrojtjes. Megjithatë, trajneri Ronald Koeman ende nuk ka bërë ndonjë përforcim në fazën defensive, transmeton koha.

21-vjeçari francez, Kounde, shihet si opsion potencial, por “Mundo Deportivo” shkruan se për të duhet të pritet edhe 12 muaj.

Kjo vonesë është për shkak të rëndësisë që e ka Kounde në formacionin e trajnerin Julen Lopetegui.

Në vitin 2019, Kounde kaloi te Sevilla nga skuadra franceze Bordeaux.

Sevilla nuk pritet që ta shesë 21-vjeçarin tani, ndërsa klauzola e lirimit të tij është 75 milionë euro.