Bashkimi e ka fituar bindshëm ndeshjen e parë gjysmëfinale të plejofit ndaj Rahovecit, të enjten mbrëma në Prizren, shkruan sot Koha Ditore.

Prizrenasit sërish luajnë në palestrën e tyre, të dielën, nga ora 19:30, dhe janë të vendosur që të bëjnë hapin tjetër drejt finales së plejofit në IP Superligën e Kosovës në basketboll. Ndeshja e luajtur të enjten përfundoi me shifrat 105:79 në të mirë të Bashkimit. Në finale kalon skuadra që shënon tri fitore.

Ndeshja e tretë dhe e katërta eventuale luhen në Gjakovë, ku Rahoveci i organizon ndeshjet si vendas, në mungesë të palestrës. Ndërkohë ndeshja e pestë eventuale luhet sërish në Prizren.

Bashkimi stinorin e rregullt e ka përfunduar në pozitën e dytë ndërsa Rahoveci në të tretën. Rahoveci i ka humbur të gjitha gjashtë përballjet me Bashkimin në këtë edicion.