Biblioteka Kombëtare e Shqipërisë ka njoftuar këtë të hënë se reshjet e shiut të datës 23 qershor, kanë dëmtuar disa materiale bibliotekare.

Në një nga sallat e saj në katet e nëndheshme, në të cilën ndodhen libra, revista dhe gazeta, ku mbizotërojnë tekstet mësimore dhe botime të 15 viteve të fundit, të cilat janë përfshirë nga uji.

Biblioteka ka shpallur gjendjen e emergjencës për trajtimin e materialeve bibliotekare të lagura, me qëllim tharjen dhe restaurimin e tyre të plotë, ndërsa thekson se nuk janë prekur mjediset ku ruhet fondi i Vlerave të Rralla dhe Arkivi i Librit e i periodikut shqip, transmeton tch.

Në funksion të kësaj emergjence, Biblioteka Kombëtare do të qëndrojë e mbyllur nga data 25 deri më 30 qershor.