Presidenti i Shteteve të Bashkuara të Amerikës, Joe Biden, autorizoi të premten deri në 100 milionë dollarë nga një fond emergjence për të përmbushur nevojat “e papritura urgjente” të refugjatëve që vijnë nga situata në Afganistan, duke përfshirë edhe aplikantët e vizave të imigracionit special afgan, tha Shtëpia e Bardhë.

Biden gjithashtu autorizoi lëshimin e 200 milionë dollarëve në shërbime dhe artikuj nga inventarët e agjencive qeveritare të SHBA-së për të përmbushur të njëjtat nevoja, përcjell Klankosova.tv.

Shtetet e Bashkuara po përgatiten të fillojnë evakuimin e mijëra aplikantëve afganë për viza speciale të imigracionit (SIV) të cilët rrezikojnë të hakmerren nga kryengritësit Talibanë sepse ata punuan për qeverinë e SHBA-së.

Grupi i parë i evakuuarve dhe familjeve të tyre pritet të fluturojnë përpara fundit të muajit në Fort Lee, një bazë ushtarake amerikane në Virxhinia, ku ata do të presin për përpunimin përfundimtar të aplikimeve të tyre për vizë, raporton Reuters.

Rreth 2 mijë e 500 afganë mund të sillen në objekt, rreth 48 kilometra në jug të Richmond, tha të hënën Pentagoni.

Të enjten, Dhoma e Përfaqësuesve të SHBA-së miratoi legjislacionin që do të zgjeronte numrin e SIV që mund të jepeshin nga 8 mijë.

Zyrtarët thonë se 18 mijë aplikacione janë duke u përpunuar.