Ish-presidenti amerikan, Bill Clinton, ka lëshuar një deklaratë duke thënë se ai është ‘me të vërtetë i lumtur që është kthyer në shtëpi dhe po bën mirë” pasi luftoi me sepsën në një spital në Kaliforni, transmeton Klankosova.tv.

75 vjeçari, lëshoi deklaratën përmes llogarisë së tij zyrtare në Twitter të mërkurën në mbrëmje, dhe foli nga shtëpia e tij në New York.

“Jam falënderues për mbështetjen e madhe që mora gjatë qëndrimit tim në spital, faleminderit shumë”, tha Clinton.

“Jam shumë i lumtur që jam kthyer në shtëpi, po kaloj mirë, dhe po shijoj motin e bukur të vjeshtës”, vazhdoi ai. “Jam rrugës për t’u rimëkëmbur, por dua t’ua kujtoi të gjithëve, shikoni dhe kujdesuni për veten tuaj”.

Ai ndër të tjerash falënderoi edhe mjekët që e trajtuan në spital gjatë gjatë qëndrimit të tij javën e kaluar.

Gruaja e tij, ish-sekretarja e shtetit, Hillary Clinton, e shoqëroi atë ndërsa doli nga spitali të dielën në mëngjes, pas një qëndrimi pesë netësh duke marrë trajtim për një infeksion urologjik që shkaktoi një gjendje të rrezikshme të njohur si seps.

I'm glad to be home! pic.twitter.com/ZoYuy54Q6R

— Bill Clinton (@BillClinton) October 20, 2021