Një operacion blic i drejtuar nga Prokuroria e Krimeve të Rënda të Shqipërisë ka çuar në pranga të paktën 10 doganierë të Doganës së Durrësit. Arrestimet kanë të bëjnë me një hetim të Krimeve të Rënda për trafikun e drogës.

Një burim nga grupi hetimor tha për lapsi.al se arrestimet janë pjesë e hetimeve për 8 ton kanabis që u kapën disa javë më parë në Ankona të Italisë.

Kamioni me drogë, i drejtuar nga një shtetas Maqedonas, kishte kaluar në Qafë Thanë dhe nëpërmjet Portit të Durrësit kaloi në Ankona ku u kap nga policia. Po me urdhër të Krimeve të Rënda u arrestuan më 24 mars 4 efektivë të policisë në doganën e Qafë Thanës.

Arrestimet vijnë dy ditë pas takimit që pati në Prokurorinë e Durrësit kryeprokurori Adriatik Llalla, i cili tha se takimi kishte në fokus luftën kundër trafikut të drogës dhe paralajmëroi rezultate të hetimeve