Kryetari i partisë LIBRA, Ben Blushi, parashikon rënien e qeverisë Rama sot. Ai u shtohet zërave që flasin për një tërheqje të LSI nga qeveria pas seancës së jashtëzakonshme të parlamentit në orën 18.00 ku do të votohen komisionet ad-hoc të Vetting-ut.

Blushi e lidh rënien e qeverisë Rama me 11 prillin, ditën e vdekjes së diktatorit Enver Hoxha.

“11 PRILL DITA E ENVERUCËVE

Sot është 11 prill, dita kur bie Enveri, kur zakonisht bëhen bashkë natyra dhe nderi. Sot bien enverucët, halat, ngjalat, hardhucët, merlucët dhe derrkucët!”, shkruan Blushi në faqen e tij zyrtare në Facebook.