Parma ka njoftuar se portieri i tyre, Gianluigi Buffon ka rezultuar pozitiv me COVID-19.

E gjithë skuadra u testua përpara rikthimit në stërvitje pas pushimit të Krishtlindjeve.

Buffon është lojtari i vetëm deri më tani që ka rezultuar pozitiv me COVID-19 në skuadrën e Stadio Tardini.

Portieri, i cili mbush 44 vjeç në fund të këtij muaji, është i izoluar në shtëpi dhe nuk ka qenë në kontakt me pjesën tjetër të skuadrës.

Seria B ishte menduar të luante dy raunde gjatë periudhës së Krishtlindjes, por ato u shtynë nga Lega Calcio pas një numri të madh rastesh pozitive për COVID-19 në divizion.

Buffon ka bërë 18 paraqitje në Serie B për Parma deri më tani këtë sezon, duke mbajtur gjashtë herë portën e paprekur dhe duke pritur tri penallti.

Karriera e tij filloi në akademinë e të rinjve Parma dhe ai bëri debutimin e tij në Serie A për klubin në moshën 17-vjeçare, por u kthye te Tardini këtë sezon si lojtar i lirë pas kohës së tij në Juventus dhe Paris Saint-Germain.