Vaksina e Modernas funksionon edhe kundër varianteve të reja të COVID-19

Prishtinë | 25 Jan 2021 | 17:38 | Nga Ekonomia Online

Vaksina e Moderna kundër COVID-19 duket se funksionon kundër varianteve të reja të gjetura në Mbretërinë e Bashkuar dhe Afrikën e Jugut, thonë shkencëtarët nga kompania farmaceutike.

Testet e hershme laboratorike sugjerojnë se antitrupat e shkaktuar nga vaksina mund të njohin dhe luftojnë variantet e reja, raporton bbc.

Nevojiten më shumë studime për të konfirmuar se kjo është e vërtetë për njerëzit që janë vaksinuar. Variantet e reja janë përhapur shpejt në një numër vendesh, transmeton Telegrafi.

Ato kanë pësuar ndryshime ose mutacione që do të thotë se mund të infektojnë qelizat njerëzore më lehtë sesa versioni origjinal i coronavirusit.

Ekspertët mendojnë se lloji britanik, i cili u shfaq në shtator, mund të jetë deri në 70 për qind më i transmetueshëm.

Vaksinat aktuale u krijuan rreth varianteve të mëparshme, por shkencëtarët besojnë se ende duhet të funksionojnë kundër atyre të reja, megjithëse ndoshta jo edhe aq mirë.

Për këtë studim, studiuesit shikuan mostrat e gjakut të marra nga tetë persona që kishin marrë dy doza të rekomanduara të vaksinës Moderna.

Antitrupat neutralizues, të bërë nga sistemi imunitar, bashkohen me virusin dhe bllokojnë hyrjen në qeliza.

Mostrat e gjakut që ishin të ekspozuar ndaj varianteve të reja duket se kanë antitrupa të mjaftueshëm për të arritur këtë neutralizim.

Fjalë Kryesore:

Të ngjashme