Shfaqja e filmit, “Kufijtë e Ballkanit”, edhe pse ishte planifikuar të shfaqet në Qendrën e Kulturës në Bujanoc, ajo u anulua dhe nuk do të jepet në këtë qytet shqiptar.

E gjithë kjo pasi u vlerësuar si një propagandë ruso-serbe dhe është në kundërshtim me faktet historike dhe ngjarjet e qershorit të 1999.

Ngjarja zhvillohet pas hyrjes së forcave ruse pa lejen e NATO-s në Kosovë, ku stacionohen në Aeroportin e Prishtinës gjersa shqiptarët, sipas propagandës serbo-ruse, fillojnë të vrasin shqiptarë, shkruan tanjug.

“Arsyeja e vetme e ndalimit të shfaqjes së filmit është që të mos ketë urrejtje midis shqiptarëve dhe serbëve. Urrejtja është e pranishme, por nuk duam që ajo të ringjallet më shumë. Në bazë të kritikave që kemi lexuar, në atë film nuk ka të vërteta”, ka thënë ndër të tjerash drejtori i Qendrës Kulturore të Bujanocit, Jetmir Ismaili.

Por, prodhuesit serb thonë se filmi dërgon një mesazh për nevojën e nxitjes së paqes dhe mirëkuptimit në mes të serbëve dhe shqiptarëve.

“Me këtë lëvizje ne jemi përsëri dëshmitarë të fenomenit të pazakontë që arti po përjeton ndalesa. ‘Kufiri i Ballkanit’ dërgon një mesazh mbi domosdoshmërinë e nxitjes së paqes dhe mirëkuptimit midis serbëve dhe shqiptarëve dhe për këtë arsye duam të besojmë se qytetarët tanë në jug të Serbisë, duhet ta shohin filmin”, tha Milos Bikoviq dhe Miodrag Radonjiq nga studiot e prodhimit “Arhangel”.

Ndryshe, regjinë e ka bërë Andrey Volgin kurse skenarin e ka shkruar Andrey Anaykin e Ivan Naumoz ndërsa në film luajnë aktorë, si Emir Kusturica, Milosh Bikoviq e Milena Raduloviq.