Zinxhiri i ushqimit i ka ofruar Princit Harry pozicionin e ndihmës shitësit pasi ai dhe gruaja e tij Dukesha Meghan njoftuan tërheqjen nga familja mbretërore, duke paralajmëruar edhe pavarësimin financiar.

“Burger King Argjentina”, në një postim në Twitter shkroi: “Ne zbuluam se princi dhe dukesha vendosën të hiqnin dorë nga rolet e tyre në familjen mbretërore dhe do të punojnë për t’u bërë të pavarur financiarisht. Pra, ne kemi një propozim për ju: Bëni si mijëra njerëz dhe ndërmerrni hapat tuaj të parë në botën e punës me ne. Ju e dini që kurora do t’ju përshtatet në mënyrë të përsosur. Gjithashtu, pas kaq shumë vitesh jetese si dukeshë, është koha që ju të filloni të hani si mbretërit”, ka shkruar në rrjetin social Twitter.