Gjykatësit e Apelit të OKB-së të mërkurën kanë dënuar ish-liderin politik të serbëve të Bosnjës, Radovan Karaxhiq, me burgim të përjetshëm për gjenocid.

Gjykatësit e apelit ia kanë konfirmuar dënimin Karaxhiqit për gjenocid në masakrën e Srebrenicës më 1995 gjatë Luftës së Bosnjës dhe thanë se dënimi me 40 vjet burgim i dhënë nga gjykatësit e procedurës paraprake ishte shumë i lehtë duke e pasur parasysh rëndesën e krimeve të tij dhe peshën e përgjegjësisë së tij, raporton Reuters.