4 Qendra Korrektuese patën ushtrues detyre të drejtorit jashtë afatit ligjor, funksionojnë me zëvendës drejtorë.

Janë bërë 1 vit e gjysmë prej që disa qendra të Burgimit në Kosovë po funksionojnë pa drejtorë.

Burgu i sigurisë së lartë, Qendra e paraburgimit në Pejë, e Qendra e Paraburgimit në Mitrovicë, janë vetëm disa prej tyre.

Madje në këto qendra, nuk ka as ushtrues detyre.

Ato po funksionojnë vetëm me zëvendës drejtor.

Në anën tjetër Ministria e Drejtësisë deri më tani nuk kishte hapur asnjë konkurs t’i përmbush këto pozita.

Mungesën e drejtorëve për T7 e kanë konfirmuar vetë Shërbimi Korrektues i Kosovës.

Sipas SHKK, këto mungesa u bënë për shkak të ngritjes së këtyre të fundit në pozita tjera.

Megjithatë, T7 mëson se edhe drejtorët paraprak të këtyre 4 Qendrave të Burgimit ishin vetëm ushtrues detyre.

Në burgun e sigurisë së lartë, UD i drejtorit ishte Burim Buleshkaj. Ky i fundit e ushtroi këtë pozitë1 vit, kurse në qendrën e paraburgimit në Pejë, ushtrues të pozitës së drejtorit pati Jeton Mehmetaj, i cili qëndroi në këtë pozitë diku 2 vite.

E me UD drejtor, po vazhdon të funksionojë qendra e Paraburgimit në Mitrovicë, të cilën e udhëheqë Benasim Mediç që 4-5 vite.

Ushtrues detyre të drejtorit me afat të jashtëligjshëm pati edhe Qendra Edukative për të mitur në Lipjan, që u udhëhoq nga Fitim Berbatovci.

E kohëzgjatja e kësaj pozite në më shumë se 6 muaj, është e jashtëligjshme.

Kjo konsiderohet si shkelje e ligjit për zyrtar publik.

Ministria Haxhiu, tha se do të punojnë në këtë aspekt.

E situata në këto Qendra të Burgimit po kritikohet edhe nga juristët.

Anton Nrecaj theksoi se mungesa e drejtorëve në këto Qendra është e rrezikshme, dhe për këtë fajëson Ministrinë e Drejtësisë.

Gjatë ditës Ministria e Drejtësisë ka raportuar vetë për gjetje ne shkelje si kontrata të dëmshme gjatë viteve në SHKK dhe qendrat e tjera.