Ministri në detyrë i Arsimit, Shkencës dhe Teknologjisë Shyqyri Bytyqi ka vizituar shkollën fillore “Gjon Serreqi” në Ferizaj, raporton Ekonomia Online.

Bytyqi tha se i mbetet komunës të shohë mos janë shpërndarë më shumë libra se sa nxënës në ndonjë shkollë.

Ai më tej ka shtuar se janë duke shqyrtuar mundësinë që kjo shkollë të punojnë në dy ndërrime, duke siguruar një objekt të ri ose që nxënësit të barten në ndonjë shkollë tjetër.

“Sot së bashku me drejtorin e DKA-së erdhëm me vizituar shkollën fillore Gjon Serreqi në Ferizaj. Përveç asaj që është një vizitë në shkollë ne kemi ardhur edhe për disa shqetësime të cilat kanë ardhur nga prindërit dhe shoqëria civile për të parë nga afër se cila është gjendja në këtë shkollë. Kjo shkollë ka një traditë që është gjë e mirë. Ne diskutuam gjatë edhe me drejtorin e DKA-së dhe me drejtorin e shkollës pasi që kjo shkollë ka një numër të madh të nxënësve dhe është me tri ndërrime dhe diskutuam për një mundësi që këtë shkollë ta kthejmë në dy ndërrime”.

“DKA-ja është duke bërë përpjekje që ta kemi shkollën e re dhe pastaj të bëhet bartja e nxënësve. Por ne si ministri do t’i përkrahim DKA-në dhe të gjendet ndonjë zgjidhje tjetër që me i bart nxënësit. Po ashtu e diskutuam edhe çështjen e teksteve shkollore dhe ne si ministri kemi bërë në kohë shpërndarjen e teksteve shkollore, por i mbetet komunës me pa se si janë shpërndarë librat që mos kanë shku në një shkollë më tepër libra se sa nxënës. Megjithatë unë besoj se në bashkëpunim me DKA-në dhe drejtorin e shkollës do ta gjejmë edhe zgjidhjen e këtij problemi”.

Drejtori i Shkollës fillore “Gjon Serreqi”, Nazmi Heda tha se me ndihmë e ministrisë së Arsimit do t’i sigurojmë nxënësve një hapësirë më të madhe.

“Unë e njoftova ministrin për gjendjen aktuale në shkollën Gjon Serreqi por njëkohësisht e njoftova për historikun e shkollës dhe për të arriturat e nxënësve. Natyrisht përveç sukseseve në këtë shkollë na përcjellin edhe shqetësime të cilat edhe janë aktuale por edhe janë të trashëguara në dekada të tëra .E njoftova ministrin për kushtet e rënda të objektit i cili është vjetruar po ashtu e njoftova dhe rreth bashkëpunimit që kemi me drejtorin komunale për bashkëpunimin e përmirësimit të gjendjes”.

“Ne u morëm vesh për mobilizuar të strukturave edhe të shkollës dhe drejtorisë së arsimit por edhe një përkrahje të ministrisë së arsimit të cilën na garantoj ministri Bytyqi që së shpejti do të marrim hapa më konkret që t’i zgjidhim një çështje më të rëndësishme duke i siguruar fëmijëve hapësirë më të mirë”.

Drejtori i Arsimit në Ferizaj, Afrim Llabjani, tha edhe pse shkolla ka një infrastrukturë e vjetërsuar sukseset e nxënësve të kësaj shkolle asnjëherë nuk ka munguar, raporton EO.

“Kjo shkollë ka shumë nxënës dhe një infrastrukturë të vjetërsuar, por që nuk mungojnë rezultatet e sukseseve asnjëherë. Ne kemi informuar ministrinë që jemi në ndërtime sipër të një shkolle e cila planifikon dhe mundëson kalimin e shkollës Gjon Serriqi në shkollën Shaban Jashari ndërsa ata të kalojnë në shkollën e re. Ne do ta krijojmë ata hapësirë e cila do të jetë e mjaftueshme për shkollën Gjon Serreqi dhe do të krijohen kushte më të mira për një proces normal”.

“Ne së shpejti do ta bëjmë një zgjidhje për heqjen e procesit me tri ndërrime. Në bashkëpunim me të gjitha shkolla e komunës së Ferizajt dhe me drejtorin e shkollës kemi gjetur një numër të madh të librave në shkollat e tjera. Por së bashku këtë problem ta zgjidhim dhe morëm zotimin nga ministri që është në krah tonin dhe do të na përkrah për këtë shkollë në mënyrë qe kjo shkollë të ketë akoma më funksionale”.