Ministri i Kulturës, Rinisë dhe Sportit, Hajrrullah Çeku sot pati takim me kryetarin e Federatës Skitare të Kosovës, Milaim Kelmendi.

Çeku e Kelmendi kanë biseduar për zhvillimet aktuale në sport si dhe për vazhdimin e zhvillimit të sportit të skijimit në Kosovë.

“Bashkë diskutuan për zhvillimet aktuale në sport, për aktivitetin e federatës, arritjet ndërkombëtare, infrastrukturën sportive, politikën dhe reformën në sport. Gjithashtu folën për planet për të ardhmen, vazhdimin e zhvillimit të sportit të skijimit në Kosovë”, thuhet në njoftim.