Arioni dhe Diana, çifti që u formua gjatë qëndrimit të tyre në shtëpinë e Big Brother VIP Kosova, më në fund kanë publikuar fotografitë e para së bashku pas përfundimit të programit.

Dyshja krijoi një lidhje gjatë qëndrimit të tyre në shtëpi, duke fituar simpatinë e publikut me kiminë dhe afërsinë e tyre.

Pas daljes nga shtëpia, Diana ishte e para që u eliminua, ndërsa Arioni qëndroi më gjatë në lojë.
Megjithatë, për habinë e fansave, deri tani nuk kishte pasur asnjë postim apo moment të ndarë nga dyshja në rrjete sociale.

Gjithçka ndryshoi kur Diana publikoi në Instagram tri fotografi, ku shihet duke qëndruar mbi supet e Arionit, duke konfirmuar kështu se lidhja e tyre vazhdon edhe jashtë shtëpisë së Big Brother VIP Kosova.

Fansat e çiftit kanë shpërthyer në komente pozitive, duke shprehur gëzimin e tyre për këtë moment të shumëpritur.

Çifti duket më i afërt se kurrë dhe fansat tashmë janë të etur për më shumë momente të përbashkëta nga Diana dhe Arioni në të ardhmen.