Deputetja e PDK-së, Blerta Deliu, ka thënë se nuk ka asgjë zyrtare lidhur me emrat që janë propozuar për president, por ka theksuar se nuk do të ketë votë për asnjë kandidat që vjen nga Lëvizja Vetëvendosje, raporton Ekonomia Online.

“E kemi mbledhjen e Grupit Parlamentar dhe do t’i diskutojmë të gjitha qëndrimet brenda grupit. Nuk mund të them këtu se çfarë kam parë deri më tani, pasi bëhet fjalë vetëm për raportime të mediave dhe nuk kemi marrë asgjë zyrtarisht sot. Ju e dini që jemi në përmbyllje të afateve kushtetuese dhe për ne, si grup parlamentar, është e rëndësishme të takohemi dhe të shohim se si do të rrjedhë situata”, tha ajo.

Teksa tha se s’ka votë për kandidat të LVV-së, ajo përmendi edhe deklaratën e shefit të saj, pra Bedri Hamzës.

“Nuk kam… mendoj që saktësisht e ka thanë edhe zotëri Hamza, e kemi sqaruar pozicionin tonë këtu, nuk kemi mbërritur deri tash në ndonjë marrëveshje, të paktën deri në këto momente. Po për detaje e kemi mbledhjen e grupit parlamentar, besoj që pas grupit do të informoheni me saktësi çka do të ketë“, u shpreh Deliu.

Hamza: S’kemi kandidat për president pa marrëveshje paraprake, të gjitha janë spekulime