Uragani Ida ka përmbytur verilindjen e Shteteve të Bashkuara të Amerikës, duke shkaktuar përmbytje dhe tornado të rrezikshme në disa shtete.
Maryland, New Jersey, New York dhe Pensilvania po raportojnë vdekje nga stuhia gjersa përpjekjet e kërkimit dhe shpëtimit si dhe pastrimit po vazhdojnë edhe në ditën e sotme, raporton cnn.
Ndërkohë, pjesë të Luizianës – ku Ida arriti në tokë si një uragan i Kategorisë 4 në fillim të kësaj jave – mund të jenë pa energji për javë të tëra për shkak të stuhisë.
Të paktën raportohen se 46 persona kanë vdekur gjersa dhjetëra të tjerë kanë kërkuar ndihmë.
Ndërkohë, presidenti amerikan, Joe Biden ka reaguar duke thënë se do të merren të gjitha masat për rindërtimin e vendeve të shkatërruara gjatë ditëve të ardhshme
Më poshtë gjendet një vështrim shtet pas shteti rreth pasojave që shkaktoi Ida.
Ka pasur të paktën 13 vdekje të lidhura me stuhitë në shtet, sipas zyrtarëve.
New Yorku shpalli gjendjen e jashtëzakonshme gjersa guvernatorja Kathy Hochul tha se ajo foli me presidentin amerikan, Joe Biden, i cili “garantoi” mbështetje të plotë pas një stuhie “shkatërruese”.
Pothuajse të gjitha linjat e metrosë së qytetit u pezulluan për shkak të përmbytjeve.
Faqja e internetit e Autoritetit Metropolitan Transit tha se vetëm linja “7” dhe Hekurudha e Staten Island po funksiononin me vonesa.
New Jersey
Të paktën gjashtë vdekje të lidhura me stuhinë janë raportuar në të gjithë shtetin.
Të paktën 25 shtëpi në kodrën Mullica u shkatërruan plotësisht ose pjesërisht gjersa aktualisht janë të pabanueshme, sipas një togeri policie.
Guvernatori Phil Murphy gjithashtu shpalli një gjendje të jashtëzakonshme, duke u bërë thirrje banorëve që “të largohen prej rrugëve dhe të qëndrojnë në shtëpi në vende të sigurta”.
Pensilvania
Tre vdekje të lidhura me stuhinë aktualisht janë duke u hetuar në qarkun Montgomery, Pensilvani, tha një zyrtar i qarkut.
Dhjetëra njerëz në Bridgeport, Pensilvani, u shpëtuan nga përmbytjet, tha menaxheri i Borough Keith Truman të enjten.
Qyteti i Filadelfias po tronditet pasi lumi i tij Schuylkill u ngrit 2 metra mbi një fazë të madhe përmbytjes.
Maryland
Policia e Qarkut Maryland Montgomery tha se ndërsa pritet autopsia përfundimtare, gjetja e një 19-vjeçari të vdekur në një kompleks apartamentesh të përmbytura të mërkurën mund t’i atribuohet paraprakisht stuhisë.
Video
Video
Video
Video
Video
