Demokratët i janë rikthyer kërkesës së tyre që ish-këshilltari për Siguri Kombëtare, John Bolton, të ftohet për dëshmi në gjykimin e presidentit Donald Trump në Senat.

Thirrjet për dëshminë e tij vijnë pasi New York Times raportoi se Bolton kishte pohuar se Trumpi dëshironte anulimin e ndihmës për Ukrainën nëse ky shtet nuk do të hetonte kundërshtarin e tij politik, Joe Biden, transmeton KTV.

Gjatë javës së kaluar, presidenti Trump ka deklaruar se nuk dëshiron dëshminë e Boltonit.

Presidenti amerikan po hetohet për dy raste: abuzim me pushtetin dhe pengim të Kongresit kur po hetonte skandalin telefonik me presidentin e Ukrainës.