Deputeti nga radhët e AAK-së, Gazmend Syla, i cili është me Covid-19, ka thënë se po hyn në javën e dytë të vetizolimit, që kur iu shfaqën simptomat e Covid-it.

Ai ka shkruar se po trajtohet në shtëpi, ndërsa thotë se ky virus s’është shaka.

Postimi i plotë i tij:

Te dashur miq,Sot po hyj në javën e dytë të vetizolimit pasi nisa të kem simptoma të Covid-19. Tash e sa kohë jam duke u trajtuar në shtëpi, dhe dukshëm më mirë seç isha. Djersitje, ethe, temperaturë dhe dërrmimi më përcolli për ditë të tëra.Ky virus nuk është hajgare!.

Ndjejë keqardhje dhe dhimbje për të gjithë ata që humbën më të dashurit dhe ju uroj shëndet të prekurve nga kjo derxhë. Uroj që kjo një ditë të kaloj.Miq dhe dashamirë,E kemi për obligim të mbajmë maskën dhe të respektojmë distancën e duhur.Sikurse çdo vështirësi, edhe kjo do të kalojë.

I juaji Gazmend Syla.