Deputetja e parlamentit të Britanisë së Madhe, Alicia Kearns, ka mirëpritur reagimin e SHBA-së në lidhje me rastin e fundit në veri të Kosovës, kur policia e Serbisë, rrëmbeu tre policë kufitarë të Kosovës.

“E mirëpres konfirmimin e SHBA-së për ndalimin e paligjshëm të tre policëve kosovarë për “akuza të rreme”, deklaroi Kearns me një postim në Twitter.

“Ndryshe nga vendimi i Kurtit për kryetarët e komunave, ky është një akt i kundërligjshëm”.

Ajo në tej pyeti: “Por ndëshkim i shpejtë vetëm për Kosovën? Si çelësi i de-përshkallëzimit, sanksionet mund të mos ndihmojnë, kjo është një hipokrizi”, ka shkruar Kearns.

Reagimi i saj vjen pas deklaratës së zëdhënësit të Departamentit amerikan të Shtetit, Mattheë Miller, i cili në formë të shkruar tha se “arrestimi dhe ndalimi i policëve me akuza të rreme, ka përkeqësuar situatën tashmë të tensionuar”.

“I bëjmë thirrje presidentit Vuçiq dhe qeverisë së Serbisë që menjëherë dhe pa kushte të lirojnë tre policët e Kosovës të arrestuar më 14 qershor. Arrestimi dhe ndalimi i tyre i vazhdueshëm për akuza të rreme ka përkeqësuar situatën tashmë të tensionuar”, tha Miller.