Me një organizim madhështor në sallën, Kolegji UBT shënoi ceremoninë e gradimit të studentëve të gjeneratës së njëzetë, duke i dhuruar Kosovës profesionistë dhe ekspertë që do të kontribuojnë në fusha të ndryshme të jetës, raporton Ekonomia Online.

I gëzuar dhe krenar për gjithë këtë arritje të tyre, rektori i UBT-së, Prof. Dr. Edmond Hajrizi ka përgëzuar secilin student për angazhimin dhe përkushtimin për të kryer një cikël të rëndësishëm të jetës së tyre, siç janë studimet akademike.

Hajrizi tha se kjo është një ditë gëzimi, reflektimi dhe krenarie për studentët.

“Kjo ditë shënon një moment historik për absolventët tanë. Është një ditë gëzimi, është një ditë reflektimi per të ardhmen, mblidhemi për të vlerësuar dhe për ta njohur punën dhe përkushtimin që i kanë sjellë maturantët tanë”, u shpreh ai.

“Ju keni punuar pa u lodhur për të arrite në këtë pikë, ju keni kapërcyer sfida të shumta duke përfshirë edhe sfidën e Covid-it edhe momente shumë të vështirë për të ardhmen, mirëpo keni përqafuar mundësitë dhe jeni rritur në mënyrë që mund të mos e kishit menduar në momentin kur keni fillu, ju keni demonstruar përkushtimin tuaj për të mësuar, etjen tuaj për njohuri dhe pasionin tuaj për të bërë një ndikim pozitiv në botë”, tha ai.

“Ju tani mbani me vete njohuritë, aftësitë dhe vlerat e rrënjosura nga koha juaj në UBT, jeni të përgatitur mirë për të bërë ndryshim ne fushat tuaja të zgjedhura të profesionit dhe në shoqërinë e gjerë”

Hajrizi i inkurajoji studentët t’i mbajnë mend parimet themelore të cilat mbështesin arsimimin në UBT.

“Përpiquni për përsosmëri në gjithçka që bëni, përqafoni diversitetin dhe dëshirën, jeni të dhembshur dhe përdorni njohurit tuaja për të ngritur ata të cilët kanë nevojë dhe gjithmonë vazhdoni të mësoni dhe të rriteni. Ju tani mbani me vete njohuritë, aftësitë dhe vlerat e rrënjosura nga koha juaj në UBT, jeni të përgatitur mirë për të bërë ndryshim ne fushat tuaja të zgjedhura të profesionit dhe në shoqërinë e gjerë”, tha Hajrizi.

Mirënjohëse për UBT-n u shpreh Anila Gashi e sapodiplomuar.

“Le të jemi krenar që jemi pjesë e këtij institucioni lider”.