Bebet të cilat konsumojnë ushqime të forta si dhe qumësht të gjirit nga mosha tremuajshe bëjnë gjumin më të mirë, krahasuar me ato që ushqehen vetëm me qumësht gjiri.

Studimi i realizuar nga JAMA Pediatrics ka treguar se foshnjat që kishin konsumuar ushqime të forta kanë pasur më pak probleme me gjumin dhe se nënat e tyre kanë treguar se ju është përmirësuar kualiteti i jetës.

Ky studim i ri tregon të gjetura ndryshe nga këshillat zyrtare, në të cilat thuhet se gjashtë muajt e parë bebet duhet të ushqehen vetëm me qumësht gjiri.

Ekspertët besojnë se nënat e reja ende duhet t’i përmbahen këtyre rekomandimeve, megjithatë ato janë duke u rishikuar.