Ministrja e Kulturës, Rinisë dhe Sportit, Vlora Dumoshi, ka pritur në takim zëvendësministrin e MKRS-së, Engelbert Zefaj, i cili zyrtarisht edhe ka pranuar këtë detyrë.

Ministrja Dumoshi gjatë takimit e njoftoi zëvendësministrin Zefaj për punën dhe programin që do të realizojë Ministria për këtë vit si edhe planet e MKRS-së që synohen për t’u arritur gjatë këtij mandati qeverisës.

Dumoshi e Zefaj diskutuan për bashkërendimin e punëve që pritet t’i kenë në këtë bashkëpunim në kuadër të udhëheqjes së Ministrisë.

Ministrja Dumoshi e informoi zëvendësministrin për sfidat me të cilat ballafaqohet MKRS-ja në avancimin e fushave të cilat i mbulon dhe tha se me bashkëpunim do t’i përmbushin të gjitha objektivat.