Policia e Kosovës ka njoftuar se ka arrestuar dy persona mbrëmë në rrugën “Avdullah Tahiri” në Gjilan, tek të cilët gjatë kontrollit ka gjetur disa substanca narkotike të llojit heroinë.

Sipas policisë, të dyshuarit janë ndaluar për 48 orë, derisa rasti po hetohet nga njësiti anti-drogë.

Ky është njoftimi i plotë i policisë

“Policia e Kosovës, njësitet e hetimeve Rajonale dhe njësitet tjera Mbështetëse,  gjatë zbatimit të një plani veprues operativë në rrugën “Avdullah Tahiri” këtu në Gjilan kanë ndaluar vetura Golf 5 me targa 04 ku gjatë kontrollit tek njëri nga dy personat që ishin në veturë  ne xhepin e vogël te pantallonave  ju është gjetur një qese e vogël me substancë narkotike e dyshuar të jetë Kokainë.

Gjatë kontrollit të detajuar  te veturës nen ulësen e vozitësit është gjetur edhe një qese tjetër e vogël e substancës narkotike që dyshohet të jetë po ashtu Kokainë. Të dyshuarit janë arrestuar nga ana e Policisë së Kosovës dhe janë sjellë ne Stacion Policor në Gjilan.

 Substanca është konfiskuar , është bërë matja me peshore zyrtare dhe ka peshuar 2, 7 dy pikë shtatë gram Kokainë  .Të dyshuarit janë intervistuar në prezencën e Avokatit mbrojtës dhe me vendim të Prokurorit të Shtetit është lëshuar urdhër  mbi ndalimin e të dyshuarve që të dy shqiptar shtetas të Kosovës për 48 orë . Rasti po hetohet nga policia e Kosovës njësitet anti drogë”.